21 Զգայական գործունեություն աուտիզմով երեխաների համար:
Զգայական գործունեությունը հիանալի է ցանկացած երեխայի համար, և եթե դուք ունեք աուտիզմով երեխա, ապա զգայական գործունեությունը անշուշտ կօգնի նրան: Զգայական խաղը օգնում է զարգացնել երեխայի զգայարանները, ինչպես նաև շարժողական հմտությունները:
Ես կազմել եմ աուտիզմով երեխաների համար նախատեսված 21 գործողությունների այս ցանկը, և հուսով եմ, որ ձեր երեխային դուր կգա:
Այս գործողություններից շատերը զգայական շշերով աշխատանքներ են:
1. «Մինիոն» զգայական շիշ
Վստահ եմ, որ միայն իմ երեխաները չեն, որ ամբողջովին տարված են մինիոններով, թե՞ այդպես է: Ամեն դեպքում, այս մինիոն զգայական շիշը բոլորովին անվտանգ է և անպայման կուրախացնի ձեր երեխաներին: Զգայական շշերը միտված են լավացնելու երեխայի տեսողական ընկալումը, և չկա ավելի լավ միջոց, քան ձեր երեխայի սիրելի ֆիլմը: Դա և՛ ստեղծագործական է, և՛ բավականին պարզ: Դուք նույնիսկ կարող եք ստեղծագործել և պատրաստել թեմատիկ զգայական շիշ, որը հարմարեցված է ձեր երեխայի սիրելի ֆիլմին:
2. Խաղ՝ երեխայի նյարդերը հանգստացնելու համար
Ես վստահ եմ, որ 2-8 տարեկան երեխաները ոգևորվում են այս կոկիկ շշերի մեջ թաքնված իրերը գտնելով, որը պատրաստելու համար անհրաժեշտ է բրինձ և մանր գունավոր առարկաներ: Այս հանգստացնող խաղը կատարյալ կլինի երկար ժամանակ մեքենայով ճամփորդելու , բժշկի այցելությունների կամ ցանկացած այլ ժամանակ, երբ ձեր փոքրիկները հուզվում են կամ անհանգիստ են լինում:
3. Հանգստացնող փայլուն շշեր
Գրեթե բոլորը՝ երեխաները և մեծահասակները, սիրում են փայլեր: Այնուամենայնիվ, զգույշ եղեք, երբ աշխատում եք փայլերով, քանի որ այն կարող է բավականին խառնաշփոթ ստեղծել: Այս հանգստացնող փայլուն շշերը զվարճալի և գեղեցիկ են: Դրանք հեշտ է պատրաստել: Դուք նույնիսկ կարող եք դիմել երեխաների օգնությանը, կարող եք ինքներդ ձեզ համար պատրաստել. դա հիանալի հանգստացնող միջոց է:
4. «Ծիածան»
Երբ երեխա էի, մայրս ուներ կոճակների տուփ: Ես սիրում էի մատներով խաղալ կոճակների հետ և նայել ամենատարբեր տեսակներին: Այս ծիածանի գույնով զգայական շիշը հիանալի միջոց է աշխատելու, խաղալու ցանկացած տեսակի կոճակների հետ: Նաև հիանալի միջոց՝ երեխաներին օգնելու սովորել գույները: Այս ծիածանի գույնով զգայական շիշը պատրաստված է հեշտությամբ, այն կարող է լինել լավագույն խաղալիքը ձեր երեխայի համար: Այս շշի հետ կարելի է շատ բան անել՝ գույների ուսուցումից մինչև կոճակների քանակի հաշվում։
5. Զգացմունքների բացահայտման շշեր
Աուտիզմով երեխայի պայքարը հաղորդակցվելու անկարողությունն է: Այս շշերը կարող են օգնել ցանկացած երեխայի, ով չգիտի նկարագրել զգացածը:
6. «Եղանակ» զգայական շշեր
Ցանկացած երեխա, ով սովորում է տարվա եղանակները, ուսուցումը զվարճալի կլինի եղանակի զգայական շշերով: Ահա մի քանի գեղեցիկ, պարզ պատկերներ, որոնք կօգնեն ձեր երեխայի ուսուցմանը:
7. «Խառը գույներ» զգայական շիշ
Գույների խառնումը հիանալի է, երեխաներն անվերջ կզվարճանան՝ դիտելով գույների խառնումը, իսկ հետո առանձնացումը: Այն իհարկե սովորելու հիանալի հնարավորություն է։
8. «Նկարչություն»
Պղպջակների հետ շատ զվարճալի է խաղալ, և եթե ձեր երեխային դուր չի գալիս փուչիկներ փչելու զգացողությունը կամ ձայնը, մտածեք այլընտրանքների մասին, օրինակ՝ փաթեթավորման տոպրակներ: Այս փուչիկներով նկարչական գործունեությունը, անկասկած, շատ երեխաների և մեծահասակների համար հետաքրքիր կլինի:
9. «Լուսնի ավազ»
Դուք կարող եք գնել, կամ պարզապես ինքներդ պատրաստել «լուսնի ավազը»: Ձեր երեխաները, անկասկած, կվայելեն այս փափուկ, հարթ ավազի զգացողությունը, և նրանք կցանկանան օգտագործել այն՝ ստեղծելու այն ձևը, որը ցանկանում են իրենք:
Այս գործունեությունը բավականին զվարճացնում է երեխաներին: Այն գույներն ավելի հաճելի է դարձնում և լիովին անվտանգ է երեխաների համար: Դուք կարող եք խաղալիքներ կամ փոքր իրեր ավելացնել սպագետիով ծիածանի արկղի մեջ, որպեսզի այն ավելի արկածային դառնա երեխաների համար:
10. «Սպագետիով ծիածան» զգայական խաղ
ԻՆՉ Է ՊԵՏՔ.
Սպագետի,
Զիպ տոպրակներ
Սննդի ներկ կամ լվացվող ջրաներկ
Բուսական յուղ
Ինչպես պատրաստել սպագետի ծիածան.
Եփեք այնքան սպագետի, որքան անհրաժեշտ է՝ փաթեթի վրա նշված պատրաստման հրահանգներին համապատասխան: Սպագետին լվանալ սառը ջրի տակ, որպեսզի ամբողջովին սառչի: Սպագետին բաժանեք տոպրակների մեջ, ավելացրեք մի քանի կաթիլ սննդային ներկ կամ ջրաներկ յուրաքանչյուր տոպրակի մեջ: Փակեք տոպրակները և խնդրեք երեխաներին թափահարել մինչև սպագետին ամբողջովին գունավորվի: Երբ սպագետիները գունավորվեն, բացեք տոպրակները և թողեք չորանան 30 րոպե: Սպագետին լցնել խաղարկղի մեջ և թող զվարճանքը սկսվի:
11. «Փրփրուն խմորե ամպ»
Գաղտնի պահեք ձեր երեխաներից,թե որն է փրփրացողը, ապա զարմացրեք նրանց, երբ ջուր ավելացնեք: Այս փրփրուն խմորե ամպը շատ հեշտ է պատրաստվում` քիչ և մատչելի բաղադրիչներով:
12. «Փրփուրով հրավառություն»
Այն երեխաների համար, ովքեր չեն սիրում բարձր ձայներ, բերեք «հրավառությունը» նրանց մոտ: Այս զվարճալի զբաղմունքի համար օգտագործում են սափրվելու կրեմ և սննդի ներկ, երկու զվարճալի բաներ, որոնք երեխաները սիրում են խառնել և խառնաշփոթ ստեղծել:
13. «Էլզայի սառը ձեռքեր»
Այս գործունեությունը հիանալի կլինի ամառվա ընթացքում զով մնալու համար: Ո՞վ է ուզում հալեցնել Էլզայի սառած ձեռքերը:
14. «Սլայմ»
Ահա ևս մեկ զբաղմունք, որը երեխաներին անպայման դուր կգա: Այն ոչ միայն առանձգական է, ցեխոտ և զվարճալի, այլև անվտանգ է, այնպես որ, եթե ձեր երեխան հակված է իրերը դնելու իր բերանը, պետք չէ վախենալ: Եթե ձեր երեխաները սիրում են այլմոլորակայիններին, ապա այս ուտելի լպրծունը անպայման կշարժի նրանց հետաքրքրությունը:
15. Խմորով խաղ
Շատ զգայական գործուներություններ ուղղակի կապ ունեն հպման հետ: Ահա մի հրաշալի խաղ, որը ստուգում է ձեր հոտառությունը՝ օգտագործելով խոտաբույսերով և համեմունքներով խմորը:
16. «Ջրային ուլունքներ»
Այնքան շատ բան կարելի է անել ջրային ուլունքներով: Երեխաներն այնքան լավ են զգում իրենց ձեռքերում: Սրանք ամբողջովին բնական են՝ պատրաստված մարգարիտներից, ուստի կարիք չկա անհանգստանալու, որ դրանք կհայտնվեն ձեր երեխայի բերանում:
17. Հանգստացնող զգայական խաղ
Ո՞վ ասաց, որ աղերը միայն մեծահասակների համար են: Ձեր երեխաները կուրախանան՝ խաղալով ձեռքերով և զգալով աղերի հանգստացնող ուժը: Այս հանգստացնող զգայական խաղը հիսաքանչ է:
18. Եգիպտացորենով խաղ
Սա զվարճալի և պարզ զբաղմունք է : Կատարեք եգիպտացորենը ներկելու աշխատանքը դրսում՝ հեշտ մաքրելու համար և թույլ տվեք, որ ձեր երեխաները ստեղծագործ լինեն:
19. «Այբուբեն» զգայական խաղ
Մանր խաղալիքները և այբուբենի բոլոր տառերը լցնում ենք սափրվելու փրփուրի մեջ` թույլ տալով երեխաներին զվարճանալ այս զգայական խաղով:
20. «Գորգ» զգայական տաղտակ
Գորգ նկարելը զվարճալի է, նաև ստեղծելու և ստեղծագործելու միջոց:
21. Գնդակի արվեստ
Այս թռչող գնդակի արվեստը իր մեջ ներառում է ոչ միայն խառնաշփոթ, այլ նաև ուրախություն: Համոզված եղեք, որ խաղը կազմակերպելով դրսում. ձեր երեխաները հաճույք կստանան:
21 զգայական խաղեր, որոնք մեծ ոգևորություն կպարգևեն բոլոր երեխաներին:
Աղբյուրն այստեղ:
Նունե Ռաֆայելյանի բլոգ 