Առկա են 3 խումբ խաղաքարտեր: 1-ին խմբի խաղաքարտերից պետք է ընտրել պարզ բառը, դրան գումարել 2-րդ խումբ խաղաքարտերից ընտրված օարզ բառը և ստանալ 3-րդ խումբ խաղաքարտերում թաքնված բարդ բառը:
Աշխատանքի նպատակն է զարգացնել միտքը, բառապաշարը, ուշադրությունը և տրամաբանությունը:
Խաղում են Հարավային դպրոցի 2-րդ և 3-րդ դասարանի սովորողները:
Տոներին ընդառաջ՝ Էրիկը նկարելով ամանորյա եղևնին պատմում է նաև ձմռան մասին։
Հարավում ՝ Գոռի և Հրաչյայի հետ միասին զարգացնում ենք մանր մոտորիկան, դիտողականությունը, պատկերային մտածողությունը և հիշողությունը։
Հարավի առաջին դասարանցիներն են։ Միասին սովորում են թվերը գրել, գումարել և հանել։ Պարապմունքներն ավելի արդյումավետ դարձնելու նպատակով երբեմն տղաները միասին են աշխատում ՝ ընկերական ջերմ մթնոլորտում։
Հարավի սովորողները զարգացնում են մոտորիկան, տեսողական հիշողությունը, ընկալումը, ինչպես նաև գիրն ու ընթերցանությունը։ Նրանք վստահ քայլերով առաջ են շարժվում։
Հարավի սովորողներից Արեգի հետ այսօրվա աշխատանքը ուղղված էր ուշադրության, կենտրոնացման և դիտողականության զարգացմանը և այդ գործողություններն արագ կատարելու կարողության ձևավորմանը։
Հարավում իսկական ընկերություն է։ Տղաները միասին լոտո և դոմինո խաղացին, իսկ վերջում հաղթեց ընկերությունը։
Այսօր` սեպտեմբերի 12-ին առաջին աշխատանքային օրս սկսվեց Հարավային դպրոց- պարտեզում։ Հոգեբան Արևիկ Բաբայանը ծանոթացրեց դպրոցի, աշխատակարգի, ինչպես նաև ԿԱՊԿՈՒ երեխաների հետ։ Այնուհետև դասարաններում իրականացրեցի դիտարկումներ և կազմեցի համապատասխան դասացուցակ։ Դպրոցում ընթանում էր նաև ԿԱՊԿՈՒ երեխաների գնահատում։ Ծանոթացա նաև գնահատման կարգին և համապատասխան փաստաթղթեր կազմելու ցանկին։ Աշխատանքային օրն անցավ հագեցած և բովանդակալից։
Նունե Ռաֆայելյանի բլոգ 