Օգոստոսի 16-18-ը Իվետա Ջանազյանի և տարատարիք ճամբարականների հետ մեկնեցինք Արտանիշի վրանային ճամբար:
«Հայկական քամիներ» առագաստանավային ակումբը Արտանիշի սեբաստացի բնապահպանական — վրանային ճամբարականների համար իրականացրեց պարապմունք — նավարկում Սևանա ծովում:
Շնորհակալ ենք «Հայկական քամիներ» ընկերությանը:
Արևելյան դպրոցում ստեղծագործական բուռն ամառ է։
Այսօր ՝ հուլիսի 28-ին Արևելքի ճամբարականների հետ միասին իրականացրեցինք արտթերապիա։
Արտթերապիայի գլխավոր նպատակը արվեստի միջոցով երեխաների ինքնարտահայտումն ու ինքնաբացահայտումն է։
Արտթերապիայի կարևոր տեխնիկան ակտիվ երևակայության տեխնիկան է, որն ուղղված է անգիտկացականի և գիտակցականի դեմ առ դեմ հանդիպմանն ու իրար հետ հաշտեցմանը աֆեկտիվ փոխներգործության միջոցով։
Ճամբարականների հետ հանդիպումը այսքան գունավոր, գեղեցիկ և գեղագիտական հաճույք հաղորդող րոպեներ են։
Այսօր՝ հուլիսի 27-ին Արևելյան դպրոցի ճամբարականների հետ միասին կատարեցինք խաղ-վարժություն, որի նպատակն էր զարգացնել երեխայի հիշողությունը, ուշադրությունը և մտածողությունը։ Սկզբում խաղի մասնակցիները 2-ն էին, հետո մեզ միացան նաև 1-ին դասարան ընդունվող երեխաները, ովքեր մեծ ուշադրությամբ հետևում էին խաղին և պատրաստակամություն հայտնեցին մասնակցելու։ Երեխաները մեծ ոգևորությամբ խաղում և օգնում էին միմյանց ՝ հաղթելու և արագ կողմնորոշվելու համար։
Հունիսի 13-ից մեկնարկեց ամառային ճամբարը։ Ճամբարականները մեծ ոգևորությամբ են գալիս ճամբար, քանի որ ճամբարում խաղում են, նկարում, երգում, պարում,զարգացնում իրենց ընդունակությունները և գլխավորը ՝ ձեռք բերում նոր ընկերներ։
Այսօր ճամբարականների հետ միասին այցելեցինք քանդակի դպրոց, որտեղ երեխաները կավով պատրաստեցին իրենց սիրելի կերպարներին։
Նունե Ռաֆայելյանի բլոգ 